प्रतिनिधी :- गेल्या आठवडाभर वादळीवारे, अवकाळी पाऊस आणि गारपिटीने राज्याला अक्षरशः झोडपून काढले आहे. विदर्भ-मराठवाड्यात तर नदीनाले तुडुंब भरुन वाहत होते. ऐन उन्हाळ्यात पावसाळ्याचा अनुभव येत असल्याच चित्र पहायला मिळत आहे. मराठवाड्यात पुढचे तीन दिवस अवकाळी पावसाचं सावट आहे. त्यात आज अचनाक पश्चिम महाराष्ट्र आणि कोकणावर ढग दाटून आले असून पुढचे तीन तास विजांच्या कडकडाटांसह अवकाळी पावसाचा इशारा हवामान खात्याने इशारा दिला आहे. सोलापूर, धाराशिव, लातूर, नांदेड, कोल्हापूर, सांगली, सातारा, पुणे, रत्नागिरी, सिंधुदुर्ग, गोव्यात मुसळधार पावसाची शक्यता वर्तवण्यात आली आहे.
